بالصور .. محاكمة ياسين العياري في فرنسا

أعلن النائب المجمدة عضويته ياسين العياري اليوم الثلاثاء أنه حضر جلسة محاكمته بباريس، في خصوص قضية تتعلق بشكاية تقدمت بها شركة فرنسية ناشطة في المجال البترولي، ادعت عليه بأنه ثلبها ووجه إليها اتهامات باطلة، الأمر الذي اعتبره العياري يدخل في اطار عمله النيابي خلال الفترة الماضية…


ونشر العياري تدوينة تطرق خلالها لما جرى في المحكمة الفرنسية، حيث كتب يقول:

” أخرج من جلسة محاكمة في باريس.
قضية، البلكاني…
لا أثر و لا وجود لأي دعم أو مساعدة من الدولة التونسية.
شنية القصة؟
شركة بترولية فرنسية، يملكها البلكاني، حبت تدخل السوق التونسية في إطار صفقة عليها كثير من الأسئلة.

قمت بواجبي كنائب، طلبت من وزير الصناعة التونسي التثبت في عديد من النقاط (فصلتهاله) قبل إسناد الصفقة، باش ما يضيعش حق الشعب التونسي : شركة جديدة، مولاها مجبود في panamapaers، مولاها خوه سياسي فرنسي أدين بتبييض أموال و تجبد معاه في القصة..


الشركة البترولية، شكات بيا في فرانسا (ما عنديش جنسية غير التونسية) و حطت إمكانيات كبيرة على القضية.
من غير المقبول عندها، نائب تونسي يطلب التدقيق في أمورها، إعتبروها سابقة خطيرة و تقلقهم، فقرروا باش يمرمدوني باش ما يعاودها حد.
الدفاع على السيادة، على الشفافية، على حقوق الشعب التونسي، عندها ثمن.
ندفع فيه، راضي و قابل.


ضحيت و مستعد نضحي على خاطره قد ما يلزم.
خاطر الكلام و الشعارات ساهلة، الفعل أصعب قليلا.
ميسالش، ناقف لمصالح تونس، فوق أي أرض و تحت أي سماء.
الدولة أو ما بقي منها، مغطسة راسها في الرمل، خاطر ماو قلنا، الحديث و الشعارات هوما فقط الي ساهلين.
جلسة المرافعات، ستكون بإذن الله يوم 3 جانفي.”

اترك تعليقاً

لن يتم نشر عنوان بريدك الإلكتروني.