مريم بن مامي تخرج عن صمتها و ترد على الوافي والشابي

إثر تداول التسريب المسجّل الذي يتحدث فيه كل من سمير الوافي وعلاء الشابي عن مريم بن مامي ويهتكان عرضها، نشرت الأخيرة منذ قليل على صفحتها ما يلي :

1/ نحب نشكر جميع احبائي الي ساندوني من بلادي 

و ليبيا و الجزائر و المغرب و مصر و الفنانين والصحافيين والسياسيين  الي ساندوني و نقلكم الي تاثرت برشا بمساندتكم ليا. و انو محبتكم  ليا كنز

2/ نحب نعلمكم الي سكوتي هاذا مش اختفاء ولكن ليوم فهمت الي اذا ما توريش حرارة يدك لعباد ما يترددوش بش اشوهولك صمعتك على اختلاف بسيط و ما ينظروش للعواقب.

3/ ولهذا انا قررت بش نلتجئ للقضاء و ناخذ حقي بالقانون و ثقتي كبيرة في القضاء بش ينصفني و يتم ايقاف هاذا النوع من المهازل. 

4/ انا عمري ما كنت نقطع خبزة لعباد بل كنت ديما نحب نعاون بمقدوري و ما انجمش نطالب انو هاذا النوع من الصحافيين و المنشطين يتنحاو من البرامج متاعهم لان هاذا يرجع للمشاهدين و القناوات الي تعطيلهم  الفرصة بش يبرزو و ما كانوش في المستوى. رغم الي عنا برشا صحافيين و فنانين يستحقو بلاصتهم

5/ انا باهتى في حاجة: هو صحيح ان الهايكا ما عندها حتى دخل في هاذا. لكن ما ترددتشي بش تعمل مراسلة على الfrançais  متاعي  في برنامج هاذي اخرتها. اما احنا نعرفو الي personnage publique تصرفاتوا و خاصة في البرامج الحساسة يتطلب نوع من النزاهة و نظافة اليدين و الاحساس و المهنية والرسانة و ضبط النفس و خاصة عدم انتهاز الشهرة للضرر بالاخرين. وان افعالهم خارج البرامج مرتبطة بادائهم المهني. و لكن اختارت الهيكا الصمت…