أخبار

نيكولاس يردّ على التونسيين بتدوينة مستفزّة : “انا منحبش لا نبرر ولا نعتذر”

نيكولاس يردّ على التونسيين بتدوينة مستفزّة : "انا منحبش لا نبرر ولا نعتذر"

بعد الضجّة التي اثارها المصري نيكولاس يوسف، بسبب تدوينته المسيئة لتونس، نشر ليلة امس تدوينة ثانية على حسابه الرسمي “فيسبوك” لتوضيح ما حصل معه

ولكن البعض اعتبر التدوينة الثانية أكثر استفزازا من الأولى، خاصة وانه لم يعتذر عمّا صدر عنه.

وقال : “بون متوقعتش الموضوع يكبر بالدرجة هاذي و نلقا تونس كاملة تحكي عنه و كل الناس تكلمني بش نخرج في راديو ولا تلفزة بش نفسر روحي و يتعدا على روحه

نعرفكم بالقدا و كي قريت كلامكم فهمت أكثر علاش كلامي غششكم و بالطبيعة توا خصوصاً بعد الهجوم العدائي الشرس من الإعلاميين و الفنانين و غيرهم من لعباد إللي الناس تحبهم إللي قلبوا تفدليكة حتى لو ماسطة لموضوع سياسي و حواري عميق و كل واحد يحب يربح بونطو وطنية على حسابي و التفاعل بدا يزيد بطريقة موش عادية و التفاعل بعد ما كان في أوله برشا منه إيجابي لأنه من عباد تعرفني و أصحابي توا ولاpresque الكل سلبي خاطرو بالطبيعة عباد متعرفنيش و شافتني في رأيهم نحكي على تونس بالخايب دونك لازمنا ندافعو عن بلادنا و نسبو و نطيحلو قدرو هو و بلاده

مفما شى نجم نقولو توا بش يصلح من حتى شى خاطر الموضوع سخون و كل كلمة تخرج مني بش نلقا عليها رد وانا منحبش لا نستفزكم ولا نبرر ولا نعتذر أما نحب نحكي معاكم الكل

غدوة بش نخرج لايف هوني عالفيسبوك مع التسعة متاع الليل و نحكي في كل شى بالباهي و الخايب و فقط أتمنى منكم عدم الهجوم السبّانdirecte و المناقشة معايا بهدوء و إحترام خاطرني برسمي ممهمش توا و نحب نسمعكم و نتناقش معاكم و مع المتغششين مني قبل إللي يشجعوا فيا

شكراً ليكم و متأسف على غلق التعليقات في المنشور دا هاو فما لاخر تنجموا تسبوا فيه و تفتقوا مواهبكم كيما تحبوا”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى